თემურ ფაფერაშვილის სახელოსნოში მივიწყებულ ტრადიციებს აცოცხლებენ. აქ სტუდენტები, მოწვეული სტუმრები და ლექტორები ამა თუ იმ თემაზე საჯარო დისკუსიას მართავენ. ეს ჩემთვის, როგორც კინოკრიტიკოსისთვის, ისეთივე პოზიტიური მოვლენაა, როგორიც კინოთეატრებში ჟურნალისტებისთვისა და კრიტიკოსებისთვის ახალი ფილმების დახურული თუ წინასწარი ჩვენება. ეს იმაზე მიანიშნებს, რომ მათ ჩვენი რეაქციის არ ეშინიათ; მათ არც ჩვენი კალმის ეშინიათ! დიდი მადლობა ამისთვის :))))
ამჯერად ”ალმა მატერში”, თემურ ფაფერაშვილის შემოქმედებით სახელოსნოში (რომელშიც, თავის დროზე, კინოდოკუმენტალისტები საშა ქორიძე და სალომე ჯაში ”აღიზარდნენ”), კლიპმეიკერი და მომღერალი გიგა აგლაძის მხატვრული ფილმის ”გოგონა სლაიდიდან” განხილვა გაიმართა. მე-3 კურსის სტუდენტებმა ფილმის მიმოხილვას ”სუროგატი” უწოდეს. რა თქმა უნდა, სახელწოდება ირონიულია და კრიტიკულიც, მაგრამ ამავდროულად იმის მანიშნებელიც, რომ აგლაძის ფილმში ახალს ვერაფერს ნახავთ. რეჟისორი განხილვას არ დაესწრო. უკუკავშირი, რომელზეც ასე ხშირად ვსაუბრობ ამ მიმოხილვაში, მას არ მოეწონა! სიმართლე გითხრათ, არც მე მომეწონა მისი აღიარება - ფილმს ჩემი ხელი აკლდაო... როგორც სტუდენტურ ტელეფილმში ჩანს, ესა თუ ის მსახიობი იმასაც ფიქრობს, რომ ფილმს ზოგადად რეჟისორი აკლდა...
